EMBEERA ye by’obufuzi mu bizinga bye Buvuma atandise okujjamu ebugumu munnamawulire Ben Kiggundu bwavuddeyo n’alangirira nti nga bwasazeewo okuvuganya ku kifo ky’obubaka bwa Palimenti mu kitundu kino.
Ekifo kino kati kirimu omubaka Robert Migadde Ndugwa akibaddemu okumala ebisanja 2.
Kiggundu nga emirimu gya mawulire agikakkalabiza mu Disitulikiti ye Jinja agamba nti yali agenda kujja mu mwaka gwa 2016 kyokka abataka mu kitundu ne bamugamba agira alindako nti kubanga yali akyali muto, kyagamba nti kati asajjakudde ekifo akisobola.
Okwogera bino kiggundu yabadde mu mboozi eyakafubo ne WatchDog Uganda ku lw’okubiri, bwabadde ayogera ku bimu ku bigendererwa ebimuggyeyo nasalawo okwesimbawo ku kifo ky’obubaka.
Yagambye nti abantu abawangaliira mu Bizinga bye Buvuma beetaaga okuyamba ennyo naddala okufuna eddoboozi elyawamu era eliwulirwa, okusobola okugonjoola ebizibu byabwe.
Yawadde eky’okulabirako nti abatuuze ku bizinga bino batulugunyiziddwa nnyo abajjaasi abasindikibwayo okulwanyisa envuba embi baagamba nti bano omulamwa baguvaako dda, wabula ne basalawo kwenyigira mu bikolwa byayogeddeko nga ebityoboola eddembe ly’obuntu nga tewali abakuba ku mukono.
Yanyonyodde nti abatuuze abalala ebibanja byabwe bibatwaliddwako abantu abagendayo nga bavudde ku lukalu nga bano baagufuula muze okubabuzabuza nga Gavumenti bwegenda okubasasula esimbe ebinazi mu ttaka lyabwe nti kyokka bamaliriza bafuuse ba bbulooka olwo ne badda ku bibanja bya batuuze ne babitwala nga yadde okubasasulayo akasente.
“Embeera eno ne ndala omuli eby’enjigiriza saako n’ebyobulamu binyize nnyo abantu baffe kyokka nga teri mukulembeze avaayo butereevu kubalwanirira, n’olwekyo kuluno nzize omwana waabwe abakulembeze abaliko webanaaba bakomye wengenda okutandikira” Kiggundu bwe yagambye.
Kiggundu ayatikiridde nnyo mu kitundu kye Buvuma naddala bwe kituuka kukulwanirira abantu ba wansi abalina ebizibu omuli abatwaliddwako ettaka lyabwe, okwanika embeera ya massomero mwe gali ku bizinga, eby’obulamu nga kwotadde ne ddembe ly’obuntu.
For marriage, family, love, job/promotion. Goodluck in your business/lottery, court cases, diseases and other Spells kindly call Kiwanga Doctors on +254 769404965 or CLICK HERE
Do you have a story in your community or an opinion to share with us: Email us at editorial@watchdoguganda.com
