“Twabadde twebase nagenze okuwulira nga ettaka liyira era mu dakiika ntono nnyo, ettaka lyabuutikidde enju omulundi gumu era wakati mu kudduka muliraanwa waffe natutegeeza nti omwana we yafiiridde mu nju ne kitwenyamiza nnyo” Wanyera bwe yategezezza.
Ate mu muluka gwe Bunamwamba eno abantu 2 naye baafiiridde mu mayumba gaabwe nga gano amazzi agabadde ku misinde egyamaanyi gagasanyizaawo ku kyalo Suume.
Abatuuze bategezezza nti ekyamazima tebanategeera muwendo mutuufu ogwabantu abafiiridde mu njega eno, naye nga babadde bakyalwana bwezizingirire okusobola okulaba nga bataasa abakyali mu mayumba agagudde, naye nga abantu abawerako babadde bakyabuze.
Patrick Kibeti atwala eby’amawulire mu Disitulikiti ye Buduuda agambye nti abantu bangi bakyanoonyezebwa naye nga bakakasizza nti 4 bafudde yadde nga abawonye bangi naye nga amayumba gaabwe gonna gaweddewo.
Do you have a story in your community or an opinion to share with us: Email us at editorial@watchdoguganda.com
