Tukuletedde ebiri mu embalirira ya 2019-2020 ne nsimbi ezibitereddwako

OLWALEERO olw’okuna nga 13. 06. 2019 Minisita w’ebyensimbi Matia Kasaija lwagenda okusoma embalirira ye Ggwanga ey’obutabalika 41 ku wooteeri ya Serena mu Kampala.

Omukubiriza w’olukiiko lwe Ggwanga olukulu Rebecca Kadaga yagenda okukubiriza olutuula luno olw’enjawulo.

Olutuula luno Minisita we byensimbi mwagenda okusomera ekiwandiiko kye mbalirira ekyayisibwa Palimenti n’olukiiko lwa ba Minisita eggwanga kwe ligenda okutambulira saako n’okukola emirimu mu mwaka gwe byensimbi ogugenda okutandika.

Wano agenda kusooka kulaga biki ebikoleddwa mu mbalirira eyasomebwa omwaka oguwedde emabega nga kwotadde n’ebintu ebikulu ebigenda okukolebwako omwaka gwe byensimbi guno, entebereza y’okufunamu ensimbi mu misolo saako n’abutya bwe zigenda okusasanyizibwa.

Eno wammanga y’entematema ye nsimbi omwaka 2019-2020.

1) Okusasula amabanja agabanjibwa Uganda 10.6 trillion

2) Eby’emirimu n’enguudoWorks 6.4 trillion

3) Eby’okwerinda n’obutebenkevu 3.6 trillion

4) Eby’enjigiriza 3.2 trillion

5) Amasanyalaze 2.9 trillion

6) Gavumenti ez’ebitundu 2.8 trillion

7) Eby’obulamu 2.5 trillion

8) Embalirira 1.9 trillion

9) Eby’amateeka 1.6 trillion

10) Eby’obulimi 1 trillion

11) Amazzi n’obutonde bwe Nsi 1 trillion

12) Entambuza y’emirimu mu Ggwanga 908 billion

13) Entambuza y’emirimu mu bantu ba bulijjo 789 billion

14) Olukiiko lwe Ggwanga olukulu 688b

15) Embeera z’abantu 218 billion

16) Ettaka, amayumba ne nkulakulana ye bibuga 193 billion

17) Eby’obulambuzi 175 billion

18) Eby’obusuubuzi n’amakolero 171 billion

19) Sayansi ne tekinologiya 159b

20) Eby’empiliziganya 123 billion