Omulabirizi wa West Buganda RT Rev Henry Katumba Tamale, asabye abakulisitaayo bajjumbire okugula ebitabo ebitukuvu (bayibuli) n’okwenyigira mu kuzisoma kyagamba nti kigenda kubayambako okubikkulirwa saako n’okumanya eby’omunda Katonda byagamba.
Bp. Katumba okwogera binno yabadde aggulawo ekkanisa ye Nzaza mu Busabadiikooni bwe Sembabule mu Disitulikiti ye Sembabule, eyawemense obukadde bwe nsimbi obwasoobye mu 250 nga bwawebwayo omusuubuzi George Kikyere.
Yagambye nti kyewunyisa abakulisitaayo abasinga ebitabo bya Katonda babiteeka mitwetwe ne batafaayo kubisoma songa mubaamu obubaka bungi obwetagisa okumanya eri abantu ba Katonda.
Yasiimye omusuubuzi Kikyere olw’omutima gwe yayolesa okuzimbira Mukama ennyumba, nasaba abakulisitaayo obutakoma ku kugikungiriza wabula beeyunire okugisabiramu buli lwa Sande kubanga yaabwe.
Ye Kikyere mu kwogera kwe yagambye nti yasalawo n’abomumakaage okuddiza Katonda ku ebyo byamuwadde mu bulamu, ne bakkaanya okuzimba ekkanisa, nagamba nti yagenda okulaba nga tewali kyayinza kumuddiza okujjako okutekawo essinzizo.
Do you have a story in your community or an opinion to share with us: Email us at editorial@watchdoguganda.com
