EYALI omuzanyi nakinku mu makkati ga ttiimu ya Chelsea esambira mu Ggwanga Lya Bungereza Frank James Lampard wetwogerera bino amaze okuteeka emikono ku ndagaano okutwala omulimu gw’okutendeka ttiimu eno.
Lampard ono yabadde omumyuka w’omutendesi wa ttiimu ya Derby County esambira mu kibinja ekisooka mu Ggwanga lya Bungereza, era nga mu kiseera we yaberera ku ttiimu ya Chelsea yakola ebintu bingi nnyo ebyamufuula omugamnzi ennyo eri abakulira ttiimu saako n’abawagizi baayo.
Ono era ajjukirwa nnyo okuba omusaale mu kutwala ekikopo kya English Premiership mu mwaka gwe nnyini gwe yagulirwamu ogwa 2003 saako ne bikopo ebilala bingi omuli ne Champions League yokka Chelsea gyelina.
Kuno yagattako ebikopo ebilara omuli ekya FA Cup, Community field nga kwotadde ne bya Carllying ebierako.
Lampard yadidde omutendesi Maurizio Sarri munnaNsi wa Italy era nga awereddwa endagaano ya myaka 3 ku kisaawe kya Starmford Bridge.
Bwabadde ayogerako ne bannamawulire amangu ddala nga yakateeka emukono ku ndagaano Lampard agambye nti musanyufu nnyo okudda ku ttiimu ya Chelsea nga ye maneja, kyagambye nti agenda kukola nnyo okulaba nga ttiimu esobola okuddamu okutinta.
Aweze okuddamu okutwala ebikopo nga mutendesi nga bwe yakikola nga musambi.
