AMAGYE ne poliisi balabudde ekibinja kyaba ddereeva ne bakondakita ba takisi ku siteegi ya Busega Northern Bypass okukomya okutabangula emirembe ku siteegi ne ku makubo gye bakolera era gwebanakwatako wakunyumizaako banne.
Lt Col Sabiiti y’aduumira amaggye mu Munisipali y’e Lubaga, Museveni geyasindiikaayo okwongera okukuuma obutebenkeevu gattako okukendeza ekitta abantu ekyali kisaasanide eggwanga.
Yayongeddeko nti buli mulimu temubula bumulumulu naye busaana bumalibwewo mu kuteesa era n’alabula nti abakulembeze abaliiko mu kiseera nga beebaduukanya siteegi eno n’abavaako mukomye okusiika omuguwa kubanga mumaliriza mukooseza abantu babulijjo abatalina kye bamaanyi.
Yasabye aba takisi nti bwe babeera nga baagala okwekulaakulanya bave mu byobufuzi kubanga bannabyabufuzi tebalina ssente buli kikuumi kye bafuna bakizza mu bantu ababalonda ate ekitali mu bekolera egyabwe.
Lt Col Sabiiti okwogera bino yabadde mu lukungaana lw’aba ddereeva ne bakondakita aba siteegi y’e Busega Northern Bypass olwatudde ku Platinum Hotel e Busega wabula abamu ku bawagizi ba ssentebe eyavaako Muhammed Muwonge ne Living Kiibi aliko bakubaganye ebikonde okukakkana nga poliisi n’amaggye bakutteko mukaaga ne batwalibwa ku poliisi y’e Nateete.
Olukungaana luno lwayitiddwa abakulembeze b’ekibiina ekitwala siteegi eno aba “Busega Taxi Owners And Drivers Co-operative Society Ltd “ okubanjulira bye batuuseeko mu mwaka omulamba obukulembeze bwa Kiibi ne banne byebasobodde okubakoleera mu ssente zabwe ze besondamu okwekulakulanya .
Shafik Ssebaggala omuwanika w’ekibiina kino yategeezezza nti mu mwaka gumu gwokka basobodde okugula takisi bbiri okuli UBD 458R eno bagigula obukadde 54 gattako n’obukadde 4,670,000/- ze bayongerako okugitereeza ate UBE bagigula obukadde 55 ne bagyongerako 4,800,000/-. Bazimbye kabuyonjjo ku ppaaka yakatwalaako obukadde 6, offiisi yamalawo obukadde 4 ate okutereeza ppaaka ettaka bakateekamu obukadde 15. Era omwaka omulamba bakakola ebintu bya bukadde 143,000,000/-.
Do you have a story in your community or an opinion to share with us: Email us at editorial@watchdoguganda.com
