ABAKULEMBEZE be kisinde kya People Power batongozza ekiwayi kyabayizi naddala mu matendekero agawaggulu abagenda okutwala obuvunanyizibwa okukunga banaabwe okusobola okunyikiza obuwagizi bwabwe mu kulonda kwa 2021.
Kawefube ono gwe batuumye DTUDENTS POWER bamutongolezza mu maka g’omubaka wa Kyadondo East era nga ye mukulembeze we kisinde kya People Power Robert Kyagulanyi Ssentamu agasangibwa ku kyalo Magere mu Town Coucil ye Kasangati e Wakiso ku lw’okubiri.
Omwogezi wa People Power Joel Senyonyi agambye nti kino kye kiseera abayizi bonna mu Ggwanga okuvaayo okwolesa obumanyi ku ddembe lyabwe ely’obuntu, nga abategeeza butereevu Gavumenti ebibaluma ebikoleko nga bwe yeelema nabo balina okuguguba n’okulemerako okulaba nga bafuna obwenkanya.
Agambye nti era balina okuvaayo okulwanyisa ebikolobero ebibakolebwako abakuuma ddembe omuli okubakuba emiggo ne bilala.
Abagambye nti tebasuubira kufuna sente kuva mu People Power kubanga ekiseera kino teanaba kugenda mu buyinza, nagamba nti bwe banaaaba bamaze okukwata obukulembeze bwe Ggwanga nabo bajja kwesiima nabo bavuge ku mmotoka ennene nga Kusasira ne banne zebavuga kati.
Ye omukulembeze wa Pople Power Robert Kyagulanyi Sentamu alabudde abayizi okwewala okugulirirwa n’obusente obutonotono, nabasaba balemere ku nsonga entuufu ku lw’obulungi bweNsi yaabwe.
Do you have a story in your community or an opinion to share with us: Email us at editorial@watchdoguganda.com