ABAKULIRA Ssetendekero wa Makerere basazeewo okujjawo pulogulaamu y’abayizi abasoma amateeka olw’eggulo nga entabwe eva ku nsimbi entono ezibadde zikunganyizibwa.
Abayizi 35 bokka bebabadde beewandiisa okusoma mu lusoma lw’omwaka olutandika mu gw’omunaana, era nga bano kati balagiddwa okwegatta ku banaabwe abasoma kumakya.
Bwabadde ayogerako eri bannamawulire akulira eby’amamawulire mu yunivasite ye Makerere Dr. Muhammad Kiggundu Musoke agambye nti abayizi abakoseddwa entekateeka eno baabulirirwawo mu kusooka eky’okukola era bonna bakakasa nti bakimanyi bulungi.
“Abayizi baffe bano ababadde bewandiisa tubategezezza okulondako ku pulogulamu endala omuli n’etandika mu January w’omwaka ogujja” Dr Kiggundu bwe yagambye.
Amyuka Ccansala wa Makerere Prof. Barnabas Nawangwe gyebuvuddeko yategeeza nti bagenda kujjawo ezimu ku Pulogulaamu z’amasomo ezisomebwa olw’eggulo, olw’okuba zaali tezivaamu nsimbi ziziyimirizaawo.
Yategezezza nti amatendekero amalala agali wansi wa Makerere go gajja kugenda mu maaso n’okusomesa kasita ganaaba nga galina ebifo awasomesezebwa, abasomesa nensimbi ezibasasula.
Do you have a story in your community or an opinion to share with us: Email us at editorial@watchdoguganda.com