OMUKULEMBEZE we Ggwanga Yoweri Kaguta Museveni akawungeezi ka leero agenda kusisinkana abakungu n’abazanyi ba ttiimu ye Ggwanga ababadde mu Ggwanga lya Egypt gye babadde nga ttiimu “The Cranes” ezannya mu mpaka zamawanga ga Africa.
Okusinziira ku munnamawulire wa Pulezidenti Linda Nabusaayi ensisinkano egenda kubeera mu maka g’obwaPulezidenti Entebbe akawungeezi.
Yadde nga Uganda yakomye mu kibinja ekya 16 naye abatunulizi bagamba nti yakoze nnyo bwogerageranya emyaka 41 egiyise bukyanga ekoma kugendayo.
Ku bimu ku bisuubirwa okwogerwako ye nsako ya bazannyi, kubanga kinajjukirwa nti baali beekyanze nga bagamba nti abakungu be kibiina ekiddukanya eby’emizanyo mu Ggwanga ki FUFA baali bagaanyi okubasasula ensako yabwe eya doola 6000 buli muntu ze million 20 eza Uganda nga zino zaali zabasuubizibwa oluvanyuma lw’okuwangula omupiira gwa Congo n’okugwa amaliri ne Zimbabwe.
Yadde nga FUFA yamala nesasula ensimbi zino, naye era ttiimu yamala nevaako nga yakubwa eggwanga lya Senegal ku goolo 1 ku 0.
