OMUKENKUFU Apolo Nsibambi yafudde akawungeezi olunaku lw’okubiri ku ssaawa 11:00 ez’akawungeezi mu makaage agasangibwa mu Zooni ya Bulange ku lw’e Sentema mu Munisipaali y’e Lubaga yewunyisizza abakungubazi.
Omu ku booluganda lw’omugenzi yategeezezza nti, Polof. Nsibambi baakedde nga bulijjo ne bagenda okumubuuzaako ng’ayogera bulungi ne bamuwa ku mubisi omusogole n’anywako era olwamaze n’abasaba bamugalamizeeko awummuleko era kye baakoze, oluvannyuma ne bamulekawo ne bagenda ku mirimu.
Kyokka waayiseewo akaseera katono nga nnamwandu amaze okukuba essimu, omuntu n’akutuka, era Rev. Miwanda yagenze okutuuka, nga Polof. Nsibambi afudde. Omulambo gwatwaliddwa mu Funeral Home e Mengo gye gugenda okukuumirwa okutuusa enteekateeka z’okuziika lwe zinaalangirirwa.
Polof. Nsibambi ng’oggyeeko okutawaanyizibwa kookolo, abadde atawaanyizibwa n’obulwadde bwa sukaali era mu bimu ku bizibu by’azze ayitamu, kwe kufiirwa mukyala we Rhoda gwe yasooka okuwasa.
Alese abaana bataano. Rev. Njagala yategeezezza nti buli lunaku wajja kubangawo okusaba mu maka g’omugenzi okutuusiza ddala lw’anaaziikibwa.
For marriage, family, love, job/promotion. Goodluck in your business/lottery, court cases, diseases and other Spells kindly call Kiwanga Doctors on +254 769404965 or CLICK HERE
Do you have a story in your community or an opinion to share with us: Email us at editorial@watchdoguganda.com
