KITAFFE mu Katonda Paapa Francis olwaleero alangiridde Rev. Musenyooli Serverus Jjumba ku kifo ky’omusumba we Ssaza lye Masaka okudda mu bigere by’omusumba John Baptist Kaggwa awummuziddwa oluvanyuma lwe kiseera kye okuggwako.
Mu bbaluwa etereddwako omukono akulira abasumba bonna mu Nsi yonna Luigi Bianco elaze nti Omusumba Kaggwa Paapa akkirizza awummule emirimu gy’obusumba akwase Musenyooli Jjumba atambuze e Ssaza lye Masaka mu kiseera ekimuwereddwa.
Ebyafaayo bye:
Musenyooli Jjumba yabadde Viika Genero we Ssaza lye Masaka era nga yazalibwa nga 2 omwezi gw’omunana omwaka 1962, pulaimale yagisomera ku ssomero lya St. Augustines ne St. Paul Kitovu mu Masaka, yeyongerayo mu seminale ye Katigondo, gye yava nagenda mu St. Mary’s National Seminary e Gaba.
Alina Diploma mu bye diini, ne Diguli ya masters mu byenjigiriza okuva e Makerere.
yafuuka omusumba mu mwaka gwa 1992 era nga yakolerako mu Kigo kye Mpambire okuva mu mwaka gwa 1992m okutuuka mu 1993.
Oo era yaliko omusomesa mu seminale ye Bukalasa mu 1993 okutuuka mu 2000, era nakuzibwa okufuuka omuwanika we Ssaza mu 2000 okutuuka mu 2014, wano yalondebwa okufuuka Viika Genero we Ssaza lye Masaka okutuuka kati.
