Kitatta wakuggulwako emisango emilala, Sempa

Moses Kizito Buule

OMUYIMA we kibiina  kya BodaBoda 2010 Abudul Kitatta ayolekedde  okukubwa mu mbuga avunanibwe emisango emilala egy’ekuusa ku bufere  obw’akolebwa ye  n’ebanne mu kaseera  nga  bakyakwazza   emirimu gya Boda  mu  kibuga Kampala n’okwetoloola  ebitundu  bye’ggwanga  ebitali  bimu.

Ekyama   kino    kibotoddwa  akulira ekitongole ekikessi mu maggye mu massekkati ge Ggwanga Edris    Ssempa   bwabadde     asisinkannye   abagoba   ba   bodaboda mu Mukono ku wooteeri ya Grand Praclos Gardens  okusala   entotto  ku ngeri abagoba ba zi  bodaboda  gy’eyinza okwekulakulannyamu wamu  n’okumalawo  obumennyi  bwamateeka  obw’esigamye   ku   mulimu   gwabwe

Agambye  nti  abakulu  abaali bakulemberwa Kitatta  baliko munnaNsi  we’ggwanga  lya Buyindi(amannya gasirikiddwa) gw’ebajjako  pikipiki   ekika   kya   Bajaj eziwera  omutwalo    mulamba (10,000) nebatamusasula  era nga   Kitatta   eyali   abakulira  ng’ebuula  ebbang lyamwezi  gumu   akwatibwe  yamujako  endala   ebikuumi    biina (400) wabula   nga   mpaawo wadde n’enuusu    eyamuwebwa, nga   kino   ky’amuwaliriza  okumutukirira mu  mwezi  gw’okutaano   omwaka  guno  alabe  oba   ayinza  okuyambibwa kubanga bizinensi ye yonna yaggwawo.

Nga kati yawereddwa amagezi atwale Kitatta ne banne aba 2010 mu mbuga z’amateeka ze ziba zilamula, emisango egyo nagyo gy’ongerwe ku mingi egimuvunanibwa.

Wano Sempa  weyasinzidde  n’asaba    abakulembeze ba Boda Boda mu Mukono   okukulembeza  nga   amaziima  nga  bakola  omulimu  gwabwe  olwo  lw’ebanasoboola   okw’ekulakulanya   nga   bayita mu bibiina   byabwe   eby’obwegassi.

Kunsonga  y’okubeera  obumu   Sempa   yabasabye   okuviira  ddala   wansi  nga batondawo obukulembeze, kuba  kibeera   kyabulabe   nnyo    okuva e Kampala ate n’atandiika   okubekakatikako   nti    naye bo   bwe bakikola  kino  kijja   kwogera   okutwala   omuli   mugwabwe mu maaso.

Kunsonga  ye by’okwerinda   Sempa yagambye nti  ebitongole   ebikessi  bikyagenda mu maaso n’okukissa  ku  bagoba ba boda boda  okubeera   emabega  w’okutemula   banaUganda   okugenda mu maaso  ensangi  zino  nga abatemu  bakozesa   pikipiki   okudduka  ng’abamaze  okubeerako  webakola    ettemu.

Ono agambye  nti   okunonyereza  kwe bakoze  kulaga  nti  abakulu  bano   omuntu  bwajja  gyebali   nga lina   ssente  ezisasula  ekifo  wagenda   okukolera   batunulira    ssente wadde nga  tebamannyi    bimukwatako ate ng’oluusi   abantu  abantu abamu tebabeera  balungi   eri    eggwanga era nabasaba    okwetereza   bunnambiro.

Wabula   nabagooba   ba zi Boda Boda abakulembeddwamu  ssentebe  wabwe mu kitundu kya Mukono James Kakumba bagambye  nti   kituufu  ng’abantu balina  obunafu  naye  n’ebitongole  bye by’okwerinda  bigayaavu  nga  bonna  balina  okw’ekebera  okutereza   eggwanga.

Bano  bakukulumidde   ekyokubabuusa  amaaso   nga  bagamba   nti  nabo  babatta  kubanga   bafiirwa   abantu 14 buli   wiiki  wabula  tebatwalibwa  nga kikulu ngo’mulaka  aba Poliisi  baguusa ku bantu balala.

Bano    bawereddwa   obukadde   bwa Uganda butano (5,000,000) bongere   okweddabuluula  n’okutwala  omulimu   gwabwe mu maaso