EDDWALIRO lya Gavumenti ery’eKawolo liri mu kattu oluvanyuma lw’okusalibwako amasanyalaze nga kati ebbanja ligezze okutuuka ku bukadde 70 eza Uganda.Kino kikosezza nnyo entambula y’emirimu mu ddwaliro lino, erijjanjaba abantu abangi okuva mu bitundu eby”enjawulo, saako n’abobubenje obutera okuggwa ku luguudo lwa Kampala Jinja High Way.Akulira eddwaliro lino Dr. Joshua Kiberu agamba nti kino kivudde ku mbeera eliwo nga eddwaliro baliddabiriza, omulimu ogwatandika mu mwaka gwa 2017.Agamba nti kati bakozesa amasanyalaze mangi ate nga omulimu guno we gwatandikira baali balina ebbanja lya bukadde 15, nga kati zirinnye okutuuka mu 70 kyagamba nti kisusse we babadde basuubira.“Eddwaliro kati lyagaziwa kubanga tulina ebifo awalongoosebwa 2ate nga mulimu ebyuma ebipya bingi, amataala geyongerako obungi, Kabuyonjo ezikozesa amasanyalaze ne bilala kale bino byonna by’ongera ku muwendo gwa masanyalaze ge tukozesa, era nga kati gatulemye okusasula” Dr. Kiberu bwe yagambye.Yagambye nti amalwaliro agasinga mu ggwanga kati bagakyusa ne bagazza kunkola eya yaka, nti kyokka eddwaliro lye Kawolo likyali ku nkola ey’okusoma mitta kyagamba nti olumu babakuba ensimbi nnyingi.Mu mwaka gwa 2016 alipoota y’omubalirizi we bitabo bya Gavumenti yalaga nti yadde gavumenti ewereza ensimbi okuyambako amalwaliro gaayo, naye ensimbi ezisinga ziggwera mu kusasula mazzi n’amasanyalaze, ate nga n’olumu tezimala, kino ne kileka nga ebitongole ebimu tebikwatiddwako.
Kiberu era yalaze n’obwetaavu bw’okuba nti balina abasawo batono abakebera omusaayi, nagamba nti eddwaliro lyonna lilrina abasawo 10 bokka nga bano tebasobola kumala kubanga abalwadde baba bangi ate abamu ne bakooyera mu layini nga balinda okukolwako.
Bino yabitegezezza omuwandiisi we nkalakkalira mu Minisitule ye by’obulamu Diana Atwine, bweyabadde alambuala amalwaliro agenjawulo nga ne lye Kawolo kwolitadde ku nkomerero ya wiiki ewedde.
Atwiine mu kusooka yebazizza olw’omulimu ogukolebwa okusobola okugaziya eddwaliro lye Kawolo, nagamba nti agenda kulaba nga bayambako ku nsonga ya masanyalaze, saako n’okwongera ku muwendo gwa basawo mu ddwaliro lino.
Mu kiseera kino eddwaliro lino liri mu kugaziyizibwa omulimu ogugenda okumalawo ensimbi obuwumbi 39, nga omulimu gukolebwa kkampuni yea Excel Construction Compony.
