OMUSOMESA we Makerere Dr. Stella Nyanzi olwaleero lwategedde nti omusango ogubadde gumuvunanibwa ogw’okukozesa obubi ekyuma ki kali magezi gumusse mu vvi.
Bwabadde awa ensala ye omulamuzi Gladys Kamasanyu agambye nti Dr. Nnyanzi ebigambo bye yassa ku mukutu gwe ogwa Face Book byali byesittaza era nga biwemula, kyagambye nti engeri gyali muntu mukulu ebigambo ebyo byali bisobola n’okwesittaza abaana abato.
Agambye nti bulijjo Nyanzi alabika abadde tamanyi nti okuteeka ebigambo by’obuwemu ku mikutu gino musango naye kati akimanye nti okusinziira ku bujulizi gumusinze.
Kati kitegeeza nti ayinza okuweebwa ekibonerezo ekitakka wansi wa myaka 3, oba okusasula ensimbi ezitakka wansi wa kakadde kamu ne kitundu.
Aziddwayo e Luzira gyagenda okugibwa ku lunaku olutategerekese asalirwe ekibonerezo kye.
Mu kusooka Nyanzi akoze katemba mu kooti natuuka n’okutuula mu ntebe y’omulamuzi nga agamba nti ayagala abamulumiriza omuli ne Pulezidenti Museveni bajje abalabeko.
