ABADDE Minisita we Nguudo, entambula ne mirimu Gen. Edward Katumba Wamala awonodde watono okuttibwa abakwata mmundu ababadde bamugoberera ku kyalo kisota ekisangibwa okumpi ne Kisaasi mu kampala, nga bano basindiridde emmotoka ye amasasi.
Kigambibwa nti mu mmotoka abaddemu ne Muwala we agambibwa okuba nti afiiriddewo saako ne Ddereva we.
Kigambibwa nti abazigu bazze bamugoberera nga bakozesa pikipiki okugoba emmotoka ye eyekika kya Land Cruiser H4DF2138 kwe kutandika okusindirira emmotoka ya Gen. Katumba amasasi.
Katumba akubiddwa amasasi mu mukono gwe ogwa kkono ne mu kifuba, oluvanyuma naddusibwa mu ddwaliro lya Malcom gye bamuggye natwalibwa e Nakasero Hospital.
Mu kiseera kino ebisosonkole bya masasi bikyali mu kifo awabadde ensitaano, ate nga mu kiseera kye kimu ekifo kino ekya Kisota tekiri wala ne we battira omugenzi Andrew Felix Kaweesi.
Katumba abadde yakalondebwa okuddako okubeera omubaka mu Palimenti akiikirira amaggye.
Do you have a story in your community or an opinion to share with us: Email us at editorial@watchdoguganda.com
